Chehrey Anjaaney Miley

Bheer men chaaron taraf chehrey anjaaney miley
Merey apney aaj mujh sey ban k begaaney miley
Tha bharosa doston par itna keh mujh sey na pooch
Jin k haathon men they pathar log pehchaney miley
Ban k marham waqt hi bharta hai har ek zakham ko
Jaisey jaisey waqt beeta zakham puraney miley
Kis k aagay rotay or sunaatey apni dastaan
Basti thi ujri hui sunsaan thikaney miley
Ab na maangen gey Elahi zindagi ki bheekh hum
Ishq men shamma ki ye kehtey huey parwaney miley
Dil diya tha naaz sey jis jis ney apni jaan ko
Chund tootay dil k tukray unko nazraaney miley
Maazi ki yaad men sab doobay huey thay is qadar
Khawab terey shehar k sab log deewaney miley. . .*)

Related Posts

Leave a Reply

Your email address will not be published. Required fields are marked *