Badalti Ja Rahi Hain

Meri sochain badalti ja rahi hain,
Ke yeh chezain badalti ja rahi hain,
Tamasha aik hai roz-e-azal se,
Fakat ankhain badalti ja rahi hain,
Badalte manzron ke ayine mein,
Teri yadain badalti ja rahi hain,
Dilon se jorti thi jo dilon ko,
Woh sab rasmain badalti ja rahi hain,
Adhori, na’mukammal khawhishain kyon,
Nai shaklain badati ja rahi hain,
Agar manzil wohi hai rahiyon ki,
To kyon rahein badati ja rahi hain,
Najaney kyon mujhe lagta hai Amjad,
Ke woh nazrain badalti ja rahi hain..

Leave a Reply

Your email address will not be published. Required fields are marked *